Ամենայն Հայոց Գարեգին Բ. կաթողիկոսը Մայր Աթոռ Սուրբ Էջմիածնի մէջ ընդունեց Հայաստանի 6-րդ միջազգային բժշկական համագումարի խումբ մը մասնակիցներ: Հանդիպումին ընթացքին տեղեկութիւններ փոխանցուեցան համագումարի աշխատանքներուն եւ արձանագրուած արդիւնքներուն մասին: Նշուեցաւ, որ համագումարին հեռակայ կապով մասնակցած են նաեւ Արցախի բժիշկները: Վեհափառ Հայրապետը իր օրհնութիւնը փոխանցեց մասնակիցներուն, կարեւորեց հայ բժիշկներու մէկտեղումը Հայաստանի մէջ եւ կարեւորեց մասնագիտական փորձի փոխանակումը:
