Սուրիոյ հարցով Ռուսիոյ նախագահի յատուկ ներկայացուցիչ Ալեքսանտր Լավրենթիեւ նշեց, թէ որոշ բարդութիւններ կան թուրք-սուրիական յարաբերութիւններու բնականոնացումին դիմացª ներառեալ սուրիական հողի վրայ թրքական ուժերու ներկայութիւնը: Խօսելով Դամասկոս-Անգարա յարաբերութիւնները վերականգնելու ուղղութեամբ ռուսական միջնորդական առաքելութեան մասին, Լավրենթիեւ հաստատեց, որ կայ զգալի յառաջընթաց: ՙՍկիզբը հանդիպում եղաւ մասնագէտներու, ապա պաշտպանութեան նախարարներու, արտաքին գործերու նախարարներու մակարդակով, որոնք իրենց տեղակալներուն յանձնարարեցին մշակել բնականոնացումի ուղեցոյցը՚, ըսաւ ռուս պատուիրակը: Անոր համաձայն, նշեալ ուղեցոյցը մշակելէ ետք կարելի է գումարել նախագահներու գագաթաժողովª ներկայութեամբ Վլատիմիր Փութինի: Լավրենթիեւ նաեւ Սուրիոյ հիւսիսարեւելեան շրջանին մէջ տեղակայուած ամերիկեան ուժերը ամբաստանեց լուծումը ուշացնելու, կայունութիւնը խախտելու եւ Սուրիան հարստահարելու մէջ:
