Երեքշաբթի, 4 Յուլիս 2023-ի յետմիջօրէին, ՙԱրարատ՚ օրաթերթի խմբագրատուն այցելեց առաջատար Օքսֆորտ համալսարանի հայագիտական ուսմանց ամպիոնի դասախօսª ընկերաբան, սփիւռքագէտ, Հայկական սփիւռքի ուսումնասիրութեան ծրագրի (ADS) ղեկավար Դոկտ. Հրաչ Չիլինկիրեան:
ՙԱրարատ՚-ի տնօրէնուհի Անի Եփրեմեանի հետ ունեցած զրոյցին ընթացքին քննարկուեցան ընդհանրապէս հայկական Սփիւռքին եւ մասնաւորապէս լիբանանահայութեան վերաբերող նիւթերª ներառեալ արցախեան հարցին ազդեցութիւնը եւ բաղդատական վերլուծումª այլ ժողովուրդներու փորձառութենէն եւ օրինակներէն: Դասախօս հիւրը հետաքրքրուեցաւ ՙԱրարատ՚-ի գործունէութեամբ եւ փոխանակեց առաջարկներ:
Այս առթիւ, ՙԱրարատ՚ յատուկ հարցազրոյց մը ունեցաւ Դոկտ. Չիլինկիրեանի հետ, որ պիտի հրատարակուի շուտով:
