Մարոնիներու պատրիարք Պըշարա Ռահի կարտինալը պահանջեց միջազգային համագումար մը կազմակերպել Լիբանանի հարցերու քննարկումին համար, որովհետեւ Լիբանանի քաղաքական գործիչները կը խուսափին երկխօսութենէն, նախընտրելով կառչած մնալ իրենց սեփական նեղ շահերուն: ՙՔաղաքական պատասխանատուները իրաւունք չունին պետութիւնն ու ժողովուրդը կործանելուª Սահմանադրութիւնն ու համակարգը փլուզելու միջոցաւ՚, բողոքեց Ռահի: Պատրիարքը կը խօսէր ՙԻնքնութեան ու գերիշխանութեան հանդիպում՚-ին ընթացքին, ուր ժողովականները վաւերացուցին փաստաթուղթ մըª ՙՎաղուան Լիբանանի նոր տեսլականըª քաղաքացիական պետութիւն, ապակեդրոնացում եւ չէզոքութիւն՚ խորագրին տակ:
Իսկ Հանրապետութեան մուֆթի շէյխ Ապտըլ Լաթիֆ Տըրիան ահաանգեց, թէ նոր նախագահի ընտրութեան համար արտերկրէն լուծում սպասելով Լիբանանի պետութիւնն ու հաստատութիւնները պիտի ենթարկուին յաւելեալ մաշումի եւ պառակտումի:
