Օրհնութեամբ Ն.Ս.Օ.Տ.Տ. Արամ Ա. կաթողիկոսին, Կաթողիկոսարանի ՙՇնորհալի՚ երգչախումբը, խմբավարութեամբ Հոգշ. Տ. Զաւէն Վրդ. Նաճարեանի եւ ընկերակցութեամբ դաշնամուրի վրայª Համբիկ Մարտիրոսեանի եւ ՙԿիլիկիա՚ նուագախումբին, իր 50-ամեակին նուիրուած զանազան ձեռնարկներու շարքին, Կիրակի, 3 Յուլիս 2023-ի երեկոյեան, ազգային երգերու համերգով մը բեմ բարձրացաւ ՙԼիքաա՚ հանդիսասրահին մէջ£
Լիբանանի, Հայաստանի եւ Արցախի քայլերգներով սկիզբ առաւ ձեռնարկը, որմէ ետք բացման խօսք արտասանեցին երգչախումբի անդամներէն Թամար Գուճանեան Նազարեանն ու Շողիկ Եփրեմեանը£ Անոնք ըսին, որ ազգային երգերը ներշնչման աղբիւր են մեր քաջարի հայորդիներուն համար եւ հարկ է վառ պահել այդ շունչըª հակառակ օտար ազդեցութիւններուն£ Թէկուզ ներկայիս վերիվայրումներ կ?ապրի մեր հայկական ներկան, սակայն պատմութիւնը կը վկայէ, որ հայը միշտ ալ կարողացած է իր գոյութիւնը պահել. անոնք շարունակեցինª ըսելով, որ անկախութիւնը կը վերահաստատուի շնորհիւ պայքարի ոգին արթուն պահող երիտասարդներու£ Վերջապէս, կարեւորեցին հայկական մշակոյթին պահպանումն ու շարունակականութեան ապահովումը, որուն համար ՙՇնորհալի՚-ն այս համերգին հանդէս կու գայ փունջ մը ազգային երգերով£
Յստակ էր հանդիսատեսներուն խանդավառութիւնը հնչած երգերով, որոնց շարքին էին ՙԿամաւորի Երգ՚-ըª Ղազար Քէօշկէրեանի մեկնաբանութեամբ, ՙՄենք Անկեղծ Զինուոր Ենք՚ª Յովիկ Թաֆրանեանի կատարողութեամբ, եւ ՙՁայն Մը Հնչեց՚ª Արման Տէր Պետրոսեանի երգեցողութեամբ£
Նկատի ունենալով, որ նոյն օրը առաւօտուն հանդիսաւոր Ս. Պատարագով եւ յատուկ տօնակատարութեամբ նշուեցաւ Արամ Ա. Վեհափառ Հայրապետին Կաթողիկոսական օծման 28-րդ տարեդարձը, ՙՇնորհալի՚ երգչախումբը անակնկալ մը պատրաստած էր Հայրապետին, որ բանաստեղծութիւն մըն էրª ձօնուած Արամ Ա. Կիլիկիոյ Հայրապետին. զայն արտասանեց Վարդի Սալխանեանը£
Վերջապէս, Վեհափառ Հայրապետը բեմ բարձրացաւ ու իր գնահատանքը յայտնեց ՙՇնորհալի՚ երգչախումբի անդամներուն եւ ՙԿիլիկիա՚ նուագախումբին, ինչպէս նաեւª խմբավար հայր սուրբին£ Նորին Սրբութիւնը յիշեցման կարգով ըսաւ, որ ազգային երգերը սովորական երգեր չեն, այլ անոնց մէջ կը բաբախէ հայկականութիւնª իր երկունքներով եւ թռիչքներով£ Հայութիւնը իր հարազատ էութեամբ, գոյութենական պայքարով, անցեալով, ներկայով եւ ապագայի տեսլականով մեր երգերուն մէջ են£ Հետեւաբար, սովորական արուեստի իմաստով պէտք չէ երգենք մեր երգերը, այլ պէտք է ապրինք զանոնք, ըսաւ ան£ Հայրապետը քաջալերեց, որ հայ ընտանիքներուն մէջ, մանաւանդ երիտասարդներուն մօտ, մեր ազգային երգերը մնայուն ներկայութիւն ըլլան, որպէսզի անոնց շունչով մենք ապրինք ու մեր հայութիւնը աւելիով ամրապնդենք, եզրափակեց իր խօսքը Վեհափառ Հայրապետը£
Աւարտին, բոլոր ներկաները միասնաբար, յոտնկայս, երգեցին ՙԿիլիկեան Ուխտի՚ Հայրապետական մաղթերգը£
Յայտնենք, որ համերգը ուղղակիօրէն հեռարձակուեցաւ Կաթողիկոսարանի ՙCilicia TV՚-ի Facebook-ի եւ Youtube-ի էջերուն միջոցաւ£