Երեւանի ամենահին թաղամասերէն մէկունª Կոնդի մէջ, մէկ օր պիտի ըլլայ մշակութային, երաժշտական տօն£ Յուլիս 1-ինª Շոթա Ռուսթավելիի անուան դպրոցի յարակից հատուածին մէջ տեղի պիտի ունենայ Կոնդի փառատօնը£ Այս տարի փառատօնը կը ներկայացնէ բաւական յագեցած ծրագրովª նախատեսուած ինչպէս փոքրիկներու, այնպէս ալ մեծահասականերու համար£ ՙԿյոթէ կեդրոն՚-ի երեւանեան գրասենյակի մշակութային ծրագիրներու համակարգող Յասմիկ Մուրատեան նշեց, որ 2019 թուականից անցկացվող տեղի ունեցող փառատօնին նպատակն է հանրութեան ուշադրութիւնը հրաւիրել հնագոյն թաղամասի խնդիրին, զայն պահպանելու նորովի ներկայացնելու, ստեղծարար, մշակութային կեդրոններ ստեղծելու հարցերու վրայ£
ՙԵրբ նոր կը սկսէին փառատօնի կազմակերպման աշխատանքները, Կոնդ թաղամասի շատ բնակիչներ թերահաւատօրէն կը մօտենային£ Հիմա արդէն արդիւնքները այլ են£ Բնակիչները իրենք ոգեւորուած կը սպասեն այս օրուանª ներկայացնելու իրենց զբօսաշրջային հնարաւորութիւնները՚ ըսաւ Յասմիկ Մուրատեանը£
ՙԹեք տեղ՚ թատրոնի անդամ Նունէ Դանիէլեան տեղեկացուց, որ փառատօնի ընթացքին պիտի փորձենք ներկայացնել Կոնդի եզակի պատմական եւ մշակութային նշանակութիւնը£ Պիտի ցուցադրուին Կոնդի արխիւային լուսանկարները, պիտի ներկայացուին Կոնդին յատուկ ճաշատեսակներու բաղադրատոմսերով փոքրիկ պրոշիւրներ£ Այցելուները հնարաւորութիւն պիտի ունենան ծանօթանալու Կոնդի վերակառուցման նախագիծերու էսքիզներուն£ Կոնդի մանկապարտէզի բակին մէջ ՙՔոքոլաբ՚ ժամանակակից պարի խումբին պարուսոյցները մանուկներու մասնակցութեամբ աշխատանոց պիտի վարեն£ Կոնդի լուսանկարչական անկիւնին մէջ այցելուները պիտի դիմաւորէ ՙFiloPhotography՚-ը£ ՙReSchool Kond՚ նախաձեռնութեան կողմէ ալ Կոնդի նկուղներէն մէկուն մէջ պիտի բացուի փոքրիկ ցուցահանդէս£ Ֆիլմի ցուցադրութիւն պիտի ըլլայ Կոնդի մասին կամ Կոնդի մէջ նկարահանուած ֆիլմերու£ Վերնիսաժի ձեւաչափով նախատեսուած է արհեստագործներու ձեռքի աշխատանքներու ցուցադրութիւն£
ՙՏարուէ տարի կը նկատուի, որ Կոնդի թաղամասը հետաքրքրութիւն կը ներկայացնէ ինչպէս տեղացիներու, այնպէս ալ զբօսաշրջիկներու շրջանակին մէջ£ Ակնյայտ է, որ զբօսաշրջային աշխուժութիւն կայ դէպի թաղամաս£ Այս մասին բնակիչները կը նշեն, իրենք արդէն սորված են, որ առաւօտեան կ՛արթննան ու իրենց տան մօտ զբօսաշրջիկներու խումբեր կը տեսնեն՚, ըսաւ Նունէ Դանիէլեանը£ Կազմակերպիչները կ՛ընդգծեն Կոնդը պահպանելու մեծ ներուժ կայ, պարզապէս պէտք է զայն վերհանել ու ճիշդ ուղղորդել
Փառատօնին ընթացքին պիտի բացուին Կոնդի բակերը, որոնք մնացեալ օրերուն այցելուներու համար հասանելի չեն£ Կոնդեցիները պիտի պատրաստեն նաեւ տարատեսակ ճաշատեսակներ ու խմիչքներ£
