Կրթութեան, գիտութեան, մշակոյթի եւ մարմնակրթութեան նախարար Ժաննա Անդրէասեան ընդունած է Հայաստանի մէջ Ֆրանսայի Հանրապետութեան արտակարգ եւ լիազօր դեսպան Անն Լույօն: Հանդիպման ներկայ եղած են ԿԳՄՄ նախարարի տեղակալներ Արթուր Մարտիրոսեանը եւ Ալֆրետ Քոչարեանը:
Կողմերը քննարկած են Հայաստանի եւ Ֆրանսայի միջեւ կրթութեան, մշակոյթի ու երիտասարդութեան ոլորտներուն մէջ յարաբերութիւններու աւելի ամրապնդման, բազմոլորտ համագործակցութեան օրակարգի ընդլայնման ու զարգացման վերաբերող հարցեր:
Անդրադառնալով համատեղ իրականացուող ծրագիրներունª ԿԳՄՄ նախարարը յատկապէս կարեւորած է Ֆրանսայի աջակցութիւնըª ուղղուած ՀՀ հանրակրթական ուսումնական հաստատութիւններուն մէջ ֆրանսերէնի ուսուցման խորացման եւ ծրագրի ընդլայնման, որ կը նպաստէ դպրոցներուն մէջ ֆրանսերէնի դասաւանդման արդիւնաւէտութեան բարձրացման:
Հանդիպման ընթացքին քննարկուած են կրթութեան ոլորտին մէջ համագործակցութեան ընդլայնման ուղղուած շարք մը այլ ծրագիրներ:
Ժաննա Անդրէասեանը դեսպանին տեղեկացուցած է, որ 2023 թուականին Հայ ֆիլմի 100-ամեայ յոբելենական ծրագիրներու շրջանակին մէջ Հայաստանը մասնակցած է Փարիզի մէջ տեղի ունեցող ՙԱշխարհի ամբողջ յիշողութիւնը՚ վերականգնուած ֆիլմերու միջազգային յոբելենական 10-րդ ֆիլմի փառատօնին, ուր ցուցադրուած են Համօ Բեկնազարեանի ՙԴուստր՚, ՙՏունը հրաբուխի վրայ՚ եւ ՙԵրկիր Նայիրի՚ ֆիլմերը: Քաննի 76-րդ միջազգային ֆիլմի փառատօնին ՙՔաննի դասականներ՚ բաժնին մէջ ցուցադրուած է հայկական ֆիլմի ժառանգութեան բացառիկ նմոյշներէնª Ֆրունզէ Տովլաթեանի ՙԲարեւ ես եմ՚ վերականգնուած ֆիլմը:
Հանդիպման ընթացքին անդրադարձ եղած է նաեւ Ֆրանսայի եւ Հայաստանի մէջ Շարլ Ազնաւուրի 100-ամեակին նուիրուած միջոցառումներուն, ինչպէս նաեւ ֆրանսական կողմին աջակցութեամբ իրականացուող ՙՀայաստան. մշակութային ժառանգութեան պահպանում, արժեւորում եւ մասնագէտներու պատրաստում՚ ծրագրին:
Դեսպան Անն Լույօն ներկայացուցած է ֆրանսական կողմին պատրաստակամութիւնըª շարունակելու համագործակցութիւնը կրթութեան, մշակոյթի եւ մարմնամարզի ոլորտներուն մէջ: Հանդիպման ընթացքին քննարկուած են նաեւ երկուստեք հետաքրքրութիւն ներկայացնող շարք մը այլ հարցեր:
