Լիբանանեան ուժեր կուսակցութեան նախագահ Սամիր Ժաաժաա մեկնաբանեց գաղթականաց հարցերու նախարարի պաշտօնակատարին Դամասկոս այցելութիւնը եւ սուրիացիներուն տունդարձը դիւրացնելու մասին սուրիացի պաշտօնատարներուն խոստումները: Ան գործող կառավարութեան կոչ ուղղեց մշակելու յստակ ժամանակացոյց մը` մինչեւ տարեվերջ սուրիացի բոլոր տեղահանուածներուն ապահով տունդարձը իրականացնելու համար: ՙՈրեւէ ձգձգում պիտի համարուի սուրիացիները Լիբանանի մէջ բնակեցնելու դաւադրութեան գործադրութիւն՚, ըսաւ Ժաաժաա եւ կառավարութեան մաս կազմող ուժերուն` մանաւանդ Հըզպալլային, Ամալին եւ Ազգային ազատ հոսանքին կոչ ուղղեց մշակելու տեղահանուածները Սուրիա վերադարձնելու գործադրելի լուծում:
