Ն.Ս.Օ.Տ.Տ. Գարեգին Բ. ծայրագոյն պատրիարք եւ Ամենայն Հայոց կաթողիկոսը Մայր Աթոռ Սուրբ Էջմիածինի մէջ ընդունեց Եկեղեցիներու համաշխարհային խորհուրդի (ԵՀԽ) հայաստանեան Կլոր սեղան հիմնադրամին կողմէ իրականացուող ՙԱջակցութիւն պատերազմէն տուժած ընտանիքներուն՚ ծրագրի շրջանակներուն մէջ արցախեան 44-օրեայ պատերազմի եւ Հայաստանի ինքնիշխան տարածքներուն նկատմամբ ոտնձգութիւններուն հետեւանքով զոհուած, գերեվարուած զինուորներու ընտանիքներու անդամներուն£
Հանդիպման սկիզբը Ամենայն Հայոց կաթողիկոսը աղօթք բարձրացուց հայրենեաց քաջարի պաշտպաններու հոգիներու խաղաղութեան համար£ Այնուհետեւ ԵՀԽ հայաստանեան Կլոր սեղան հիմնադրամի գործադիր տնօրեն Կարէն Նազարեանը Նորին Սրբութեան տեղեկացուց, որ հայաստանեան Կլոր սեղան հիմնադրամը Մասյացոտն թեմի հոգեւոր դասին հետ համագործակցաբար նիւթական, բարոյական ու հոգեխնամ աջակցութիւն կը ցուցաբերէ որդեկորոյս ընտանիքներուն£ Ծրագիրը կը նախատեսուի իրականացնել ինչպէս Արարատի, այնպէս ալ Գեղարքունիքի ու Սիւնիքի մարզերուն մէջ, որու ծիրին մէջ աջակցութիւն պիտի տրամադրուի 50 ընտանիքներու£
Հայոց Հայրապետը, սրտակցութիւն յայտնելով որդեկորոյս ընտանիքներուն, իր խոնարհումը բերաւ քաջարի նահատակներուն, որոնք յանուն հայրենիքի գոյատեւման ընծայաբերեցին ամենաթանկըª իրենց կեանքը£ Այս առնչութեամբ Հայոց Հովուապետը նշեց, որ հերոս զաւակներու քաջութեան օրինակը պիտի առաջնորդէ հայորդիները քաջարի ոգիով շարունակելու տէր ըլլալ իրենց երկրին, ազատ ու անկախ ապրելու իրաւունքին£
Աւարտին, ի պատասխան զոհուած զինուորներու ընտանիքներու անդամներու հարցերուն, Նորին Սրբութիւնը անդրադարձաւ պատերազմին ընթացքին անյայտ կորսուած զինուորականներու յայտնաբերման եւ ռազմագերիներու վերադարձման ուղղութեամբ Հայ Եկեղեցւոյ կողմէ կատարուած ու կատարուող աշխատանքներուն£
