ՀՀ կրթութեան, գիտութեան, մշակոյթի եւ մարմնակրթութեան նախարար Ժաննա Անդրէասեանը ընդունած է Հայաստանի Հանրապետութեան մէջ Պրազիլի Դաշնային Հանապետութեան արտակարգ եւ լիազօր դեսպան Ֆապիօ Վազ Փիթալուկան:
Նախարարը ողջունած է դեսպանը եւ շնորհաւորած է նշանակման առիթով` մաղթելով արդիւնաւէտ աշխատանք` ի շահ այ-պրազիլական բարեկամական կապերու զարգացման:
Հանդիպման ընթացքինմ կողմերը դիտարկած են կրթութեան, գիտութեան, մշակոյթի եւ մարմնամարզի ոլորտներուն մէջ համագործակցութեան ընդլայնման առնչուող շարք մը հարցեր:
Անդրադառնալով վերոնշեալ ոլորտներուն մէջ համագործակցութեան ընդլայնման` նախարարը տեղեկացուցած է, որ երկու երկիրներու համապատասխան գերատեսչութիւններուն միջեւ կը քննարկուին բարձրագոյն կրթութեան, մարմնամարզի եւ ֆիզիքական դաստիարակութեան բնագաւառներուն մէջ համագործակցութեան մասին յուշագրերը:
Ժաննա Անդրէասեանը յոյս յայտնած է, որ հայ-պրազիլական համագործակցութեան խորացման ու ամրապնդման ուղղութեամբ աշխատանքները աւելի արդիւնաւէտ ընթացք պիտի ստանան:
Դեսպան Ֆապիօ Վազ Փիթալուկան շնորհակալութիւն յայտնած է նախարարին ընդունելութեան համար եւ ընդգծած, որ երկու երկիրներուն միջեւ կրթութեան, գիտութեան, մշակոյթի եւ մարմնամարզի ոլորտներուն մէջ առկայ է սերտ համագործակցութեան մեծ ներուժ: Դեսպանը ներկայացուցած է հնարաւոր համագործակցութեան առնչուող ուղղութիւններն ու ծրագիրները` կրթական փոխանակումներու, բարձրագոյն ուսումնական հաստատութիւններուն մէջ պրազիլական փորթուկալերէնի ուսուցման, հայ-պրազիլական մշակութային կապերու հզօրացման ուղղուած միջոցառումներու իրականացման ծիրին մէջ:
ԿԳՄՄ նախարար Ժաննա Անդրէասեանը հանդիպման ընթացքին դեսպանին ուշադրութիւնը հրաւիրած է նաեւ Լեռնային Ղարաբաղի մէջ 44-օրեայ պատերազմին հետեւանքով Ատրպէյճանի վերահսկողութեան ներքոյ անցած տարածքներուն մէջ հայկական պատմամշակութային ժառանգութեան պահպանութեան խնդիրին:
