Ատրպէյճանը կը շարունակէ ցեղապաշտական կարծրատիպեր քարոզող լեզուի օգտագործումը եւ թշնամանքի հրահրումը: Հանրային քննարկումները նշանաւորուած են քաղաքական գործիչներու հրապարակային յայտարարութիւններուն մէջ Հայաստանի դէմ հրահրող հռետորաբանութեան կիրառմամբ, այդ շարքինª ամենաբարձր քաղաքական մակարդակով, ինչպէս նաեւ աւանդական եւ ընկերային լրատուամիջոցներուն մէջ ատելութիւն պարունակող բովանդակութեան լայն տարածմամբ: Այս մասին գրուած է Ցեղապաշտութեան եւ անհանդուրժողականութեան դէմ եւրոպական յանձնաժողովի (ՑԱԵՀ)` Ատրպէյճանի վերաբերեալ 6-րդ զեկոյցին մէջ:
Փաստաթուղթին մէջ կը նշուի, որ դպրոցական դասագիրքերուն մէջ խտրական վերաբերմունք կայ հայերուն դէմ: ՑԱԵՀ-ը մտահոգութիւն կը յայտնէ, որ հարեւան երկրի նկատմամբ Ատրպէյճանի կողմէ ատելութեան խօսքի օգտագործում կը նկատուի երիտասարդներու շրջանակին մէջ դպրոցին մէջ եւ դպրոցէն դուր, ինչ որ կրնայ հետագայ թշնամանքի համար հող նախապատրաստել:
ՑԱԵՀ-ը նաեւ կ՛անդրադառնայ 2021 թուականի Ապրիլին Պաքուի մէջ ՙՌազմաւարի պուրակի՚ բացման, ինչ որ նոյնպէս մեծ քննադատութիւն յառաջացուցած է:
ՙԶԱԵՀ-ը կը կիսէ այլ միջազգային մարմիններու, այդ շարքին` Եւրոպայի խորհուրդի մարդու իրաւունքներու հարցերով յանձնակատարի եւ Ցեղապաշտական խտրականութեան վերացման մասին յանձնաժողովի արտայայտած լուրջ մտահոգութիւնները ՙյարձակումի՚ լեզուի դիմելու եւ պարբերաբար թշնամական թեզերու յառաջ քաշման առնչութեամբ, որոնք կը քարոզեն ցեղապաշտական կարծրատիպեր եւ յաւերժացնում թշնամանքը՚, նշուած է զեկոյցին մէջ:
Զեկոյցին մէջ կը նշուի նաեւ բազմաթիւ հաղորդումներու մասին, որոնք ՑԱԵՀ-ը ստացած է հայերու դէմ բռնութեան, կամայական սպանութիւններու, անոնց գոյքի ոչնչացման մասին 2020 թուականի պատերազմի ընթացքին եւ անկէ յետոյ:
