14 Յունիսին, Էսթոնիոյ մայրաքաղաք Թալլինի մէջ իր աշխատանքները սկսած է Եւրոպայի եկեղեցիներու համագումարի (ԵԵՀ) գլխաւոր ժողովը` ՙԱստուծոյ օրհնութեան ներքոյ` կերտելով ապագան՚ խորագրով:
Համագումարը հիւրընկալուած է Էսթոնիոյ Աւետարանական Լիւթերական եւ Էսթոնիոյ Ուղղափառ եկեղեցիներուն կողմէ:
Համագումարը կը համախմբէ ԵԵՀ անդամ եկեղեցիներու ներկայացուցիչները, գործընկեր կազմակերպութիւնները եւ Եւրոպական եկեղեցիներու ազգային խորհուրդները: Այն տեղի կ՛ունենայ հինգ տարին մէկ` Եւրոպայի եկեղեցիներու համագումարի ապագայ ծրագիրներուն վերաբերեալ որոշումներ կայացնելու առաքելութեամբ: Համագումարի ընթացքին կ’ընտրուին նաեւ խորհուրդի նոր անդամներ, որոնք կը ղեկավարեն ԵԵՀ առաքելութիւնը յառաջիկայ հինգ տարուան ընթացքին:
Ն.Ս.Օ.Տ.Տ. Գարեգին Բ. ծայրագոյն պատրիարք եւ Ամենայն Հայոց կաթողիկոսին օրհնութեամբ ԵԵՀ գլխաւոր համագումարին Հայ Առաքելական Սուրբ Եկեղեցին կը ներկայացնեն Բրիտանիոյ եւ Իրլանտայի Հայոց թեմի առաջնորդ գերաշնորհ Տ. Յովակիմ եպիսկոպոս Մանուկեանը, Պալթեան երկիրներու Հայոց թեմի առաջնորդ գերաշնորհ Տ. Վարդան եպիսկոպոս Նաւասարդեանը եւ Մայր Աթոռ Սուրբ Էջմիածնի Քարոզչական կեդրոնի տնօրէն հոգեշնորհ. Տ. Գարեգին վարդապետ Համբարձումեանը:
