Հայաստանի նախագահ Վահագն Խաչատուրեանը Գերմանիոյ մէջ Հայաստանի դեսպանատան մէջ հանդիպած է տեղի հայկական համայնքի ներկայացուցիչներուն հետ:
Հանդիպման ընթացքին Հայաստանի նախագահը մանրամասնութիւններ ներկայացուցած է տարածաշրջանային իրողութիւններու եւ ղարաբաղեան հիմնախնդիրի ներկայիս ընդհանուր իրավիճակին վերաբերեալ:
Նախագահը իր խօսքին մէջ ընդգծած է, որ Հայաստանը որդեգրած է տարածաշրջանին մէջ խաղաղութեան հաստատման եւ հարեւաններուն հետ յարաբերութիւնները կարգաւորելու քաղաքական գիծ:
Վահագն Խաչատուրեանը անդրադարձած է ներհայաստանեան հասարակական քաղաքական զարգացումներուն, Հայաստանի տնտեսական կեանքին մէջ նկատելի աշխուժութեան ու այս ոլորտին մէջ իրականացուող բարեփոխումներուն:
Հանդիպման ընթացքին նախագահը անմիջական մթնոլորտի մէջ զրուցած է ներկաներուն հետ եւ պատասխանած է զանոնք յուզող հարցերուն:
