ՀՀ վարչապետ Նիկոլ Փաշինեան շատ խոր, փաստարկուած եւ միանգամայն միանշանակ ըսած է, որ Ռուսիան Հայաստանի հիմնական առեւտրային գործընկերն է եւ տնտեսական բուռն աճի հիմնական պատճառը:
Այս մասին նշած է Ռուսական դաշնութեան փոխվարչապետ Ալեքսէյ Օւերչուքը, պատասխանելով հարցումին, թէ արդեօք Հայաստանի համար Ռուսիան կը մնա՞յ կարեւոր առեւտրային գործընկեր եւ արդեօք կը տեսնէ՞, որ վարչապետ Նիկոլ Փաշինեան, գուցէ, հիմա աւելի շատ կը նայի դէպի Արեւմուտք:
ՙՆիկոլ Փաշինեանը շատ խոր, փաստարկուած եւ միանգամայն միանշանակ ըսած է: Այդ ամէնը հնչած է ե՛ւ Քրեմլի մէջ` Եւրասիական բարձրագոյն տնտեսական խորհուրդի նիստին ժամանակ, ե՛ւ Սոչիի մէջ` Եւրասիական միջկառավարական խորհուրդի նիստին ժամանակ, որ Ռուսիան Հայաստանի հիմնական առեւտրային գործընկերն է եւ այդ երկրի տնտեսական բուռն աճի հիմնական պատճառը: ԵԱՏՄ-ին անդամակցութիւնը, այն է ` մաքսատան բացակայութիւնը, առանց խոչընդոտներու միջավայրը, դրամագլուխի, աշխատուժի ազատ տեղաշարժը, մուտքը դէպի ԵԱՏՄ մեծ շուկայ հսկայական առաւելութիւն կուտայ Հայաստանին եւ կը հանդիսանայ այն տնտեսական թռիչքին պատճառը, որ այսօր կ՛արձանագրէ մեզի համար շատ մօտ այս երկիրը: Մեզ կ՛ուրախացնեն մեր դաշնակիցին տնտեսական յաջողութիւնները, որոնք Ռուսիոյ ղեկավարութեան առաջարկած համարկման ընթացքի հաւատարմութեան կենդանի օրինակ են եւ ապացոյց: Նոյնիսկ չեմ ուզեր մտածել Հայաստանի եւ Ռուսաստանի միջեւ խզման հնարաւոր հետեւանքներուն մասին, անոնք չափազանց ակնյայտ են՚, ըսած է Օվերչուք:
