Եւրոպական խորհրդարանի Անվտանգութեան եւ պաշտպանութեան հարցերով ենթայանձնաժողովի պատուիրակութիւնը Յունիս 19-22-ին կ՛այցելէ Հայաստան:
Եւրոպական խորհրդարանի Անվտանգութեան եւ պաշտպանութեան ենթայանձնաժողովի պատգամաւորներու այցին նպատակն է գնահատել Հայաստանի մէջ անվտանգութեան իրավիճակը, Հայաստանի եւ Ատրպէյճանի միջեւ յարաբերութիւններու կարգաւորման գործընթացին ընթացքը, ինչպէս նաեւ` ծանօթանալ Հայաստանի եւ Ատրպէյճանի միջեւ միջազգային սահմանի հայկական կողմին երկայնքով անվտանգութեան իրավիճակը դիտարկելու եւ զեկուցելու նպատակով Փետրուարին տեղակայուած Հայաստանի մէջ ԵՄ քաղաքացիական առաքելութեան գործունէութեան:
Պատուիրակութեան այցի ընթացքին կը նախատեսուին հանդիպումներ Հայաստանի կառավարութեան եւ խորհրդարանի անդամներուն, ինչպէս նաեւ` ԵՄ անդամ երկիրներու դեսպաններուն հետ:
