Շաբաթ, 10 Յունիս 2023-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը Սուրբ Աստուածածին եկեղեցւոյ մէջ հանդիպեցաւ Օնթարիոյի մէջ գործող գործակից Միութիւններու ներկայացուցիչներուն հետ£
Հետեւելով Վեհափառ Հայրապետի 2023 տարուան Հռչակագիրին, Թորոնթոյի մէջ եւս կազմակերպուած էր ՙՍփիւռք՚ աշխատանքային հանդիպում մը, որուն ընթացքին արծարծուեցաւ, թէ ինչպէս կարելի է վերակազմաւորել Սփիւռքը£ Աշխատանքային հանդիպման նպատակն էր քաջալերել ինքնաճանաչողութիւնն ու երկխօսութիւնը Սփիւռքին դիմագրաւած մարտահրաւէրներուն մասին եւ թէ ինչպէս կրնանք այդ մարտահրաւէրները յաղթահարել£
Հանդիպման աւարտին առիթ տրուեցաւ, որ միութիւններու ներկայացուցիչները իրենց հարցումները ուղղեն Նորին Սրբութեան£
