Այս տարուան առաջին հինգ ամիսներուն տուեալներով Հայաստան այցելած է մօտաւորապէս 806 հազար զբօսաշրջիկ:
Այս մասին տեղեկացուցած է ՀՀ տնտեսութեան նախարար Վահան Քերոբեանը` Ֆէյսպուքի իր էջով կատարած գրառմամբ:
Նախարարը յայտնած է, որ Սիւնիքի մարզի Խոտ բնակավայրին մէջ մասնակցած է Ոչխարներու խուզման փառատօնին:
ՙՇատ ուրախ եմ, որ այսպիսի միջոցառումներ կը կազմակերպուին, եւ մենք կրնանք ուժեղացնել եւ աշխուժացնել մեր համայնքները, ցոյց տալ համայնքներուն մէջ տեղական առեւտուրներու կարեւորութիւնը:
Զբօսաշրջութիւնը Հայաստանի մէջ հիմա բաւականին լաւ կը զարգանայ, եւ առաջին հինգ ամիսներուն տուեալներով` մենք ունինք մօտաւորապէս 806 հազար զբօսաշրջիկ, բայց պէտք է ըսեմ, որ ներքին զբօսաշրջութիւնը եւս շատ կարեւոր է՚, գրած է Քերոբեան:
Ան նաեւ նշել է, որ նախարարութիւնը Զբօսաշրջութեան կոմիտէին հետ ամէն տարի երկու տասնեակէ աւելի փառատօնի կ՛օժանդակէ, որմէ մէկն ալ այս փառատօնն է:
