Վիզաներու ազատականացման թեման Հայաստանի եւ ԵՄ անդամ երկիրներու օրակարգի հարցերէն է, կը քննարկուի ու գրեթէ բոլոր պարագաներուն աջակցութիւն կը ստանայ, սակայն պէտք է ԵՄ-ի համախոհական դիրքորոշումը:
Այս մասին ըսաւ ՀՀ արտաքին գործերի նախարար Արարատ Միրզոյեանը ՙՀՀ 2022 թուականի պետական պիւտճէի կատարման մասին՚ տարեկան հաշուետուութեան նախնական քննարկումներու ժամանակ` անդրադառնալով պատգամաւորներու հարցումներուն:
ՙՎիզաներու ազատականացման թեման աշխուժօրէն կը քննարկենք: Մեր եւ ԵՄ-ի կամ մեր եւ ԵՄ անդամ հանդիսացող առանձին երկրի օրակարգին վրայ կայ, կը քննարկուի, եւ մեծամասամբ կամ գրեթէ բոլոր պարագաներուն աջակցութիւն կը ստանայ: Այդուհանդերձ ԵՄ-ի կողմէ նման որոշում կայացնելու համար համախոհական դիրքորոշում պէտք է: Եւ ԵՄ-ի ներսը համախոհութեան հասնիլ տակաւին հնարաւոր չէ եղած՚, ըսաւ Միրզոյեան եւ վստահեցուց, որ այս առումով աշխատանքը կը շարունակուի:
