Հայաստանը նախորդ տարի ԵԱՏՄ ընդհանուր մաքսային պիւտճէէն ստացած է 2021 թուականի համեմատ 28 միլիառ դրամով պակաս գումար:
Այս մասին ըսաւ Հայաստանի ելեւմուտքի նախարար Վահէ Յովհաննիսեանը Ազգային ժողովի մշտական յանձնաժողովներու համատեղ նիստին ՙՀՀ 2022 թուականի պետական պիւտճէի կատարման մասին՚ տարեկան հաշուետուութեան նախնական քննարկումներու ժամանակ:
Նախարարը յայտնեց, որ ԵԱՏՄ-էն Հայաստանի պետական պիւտճէ մուտքագրուած մաքսատուրքերու մասով նուազում արձանագրուած է:
ՙՄաքսատուրքերը կազմած են 56 մլրդ 685 միլիոն դրամ, որ 28 միլիառ դրամով պակաս է քան 2021 թուականին: 2021-ին այդ գումարը կազմած է 84 միլիառ 839 միլիոն դրամ: Սա պայմանաւորուած է 2022 թուականին ամբողջ ԵԱՏՄ շուկային մէջ ընդհանուր ներմուծումներու ծաւալի նուազմամբ՚, ըսաւ Յովհաննիսեան:
