BRICS-ի երկիրներու (Պրազիլ, Ռուսիա, Հնդկաստան, Չինաստան, Հարաւափրիկեան Հանրապետութիւն) արտաքին գործերու նախարարութիւններու ղեկավարները նշած են միակողմանի պատժամիջոցներու բացասական ազդեցութիւնը համաշխարհային տնտեսութեան վրայ: Այդ մասին ըսուած է անոնց համատեղ յայտարարութեան մէջ, որ Յունիս 1-ին տարածուած է Քեյփթաունի մէջ կայացած հանդիպման արդիւնքներով:
ՙՆախարարները ընդունած են միջազգային իրաւունքը խախտող միակողմանի մօտեցումներուն ազդեցութիւնը համաշխարհային տնտեսութեան վրայ, ինչպէս նաեւ նշած են, որ իրադրութիւնը աւելի կը բարդանայմ միակողմանի տնտեսական հարկադրական միջոցներու պատճառով, ինչպիսիք են պատժամիջոցները, պոյքոթները, նաւարգելները եւ շրջափակումները՚, ըսուած է յայտարարութեան մէջ:
Նախարարական հանդիպումը տեղի ունեցած է Հարաւափրիկեան Հանրապետութեան արտաքին գործերու եւ համագործակցութեան նախարար Նալէտի Փանտորի նախագահութեամբ:
