30 Մայիսին, Ն.Ս.Օ.Տ.Տ. Գարեգին Բ. ծայրագոյն պատրիարք եւ Ամենայն Հայոց կաթողիկոսին օրհնութեամբ, Հայաստանի Աստուածաշնչային ընկերութիւնը ՀՀ Զինուած ուժերու հոգեւոր առաջնորդութեան հետ համատեղ Մայր Աթոռ Սուրբ Էջմիածինի ՙԳարեգին Ա.՚ կրթական կեդրոնին մէջ կազմակերպեց ՙԱստուածաշունչի Գիտելիքի Վիքթորինա՚ ծրագրի համաբանակային եզրափակիչ փուլը:
Միջոցառման իրենց մասնակցութիւնը բերին ՀՀ Զինուած ուժերու տարբեր զօրմասերու զինուորները, որոնք յաղթահարած էին մրցոյթի առաջին փուլը:
Վիքթորինան բացուեցաւ Տէրունական աղօթքով: Այնուհետեւ մասնակիցները ողջունեց Մայր Աթոռի Արտաքին յարաբերութիւններու եւ արարողակարգի բաժնի տնօրէն գերաշնորհ Տ. Նաթան արքեպիսկոպոս Յովհաննիսեանը` ներկաներուն փոխանցելով Ամենայն Հայոց Հայրապետին հայրական սէրն ու օրհնութիւնը:
Աշխոյժ մասնակցութեան եւ սուրբգրային գիտելիքներու բարձր պատրաստուածութեան համար բոլոր մասնակիցները պարգեւատրուեցան Աստուածաշունչ մատեաններով, Նոր Կտակարաններով, Գրիգոր Նարեկացիիւ ՙՄատեան Ողբերգութեան՚ գիրքերով եւ պատուոգրերով:
Միջոցառումը եզրափակուեցաւ Հայաստանի Աստուածաշնչային ընկերութեան Գլխաւոր քարտուղար գերաշնորհ Տ. Եզնիկ արքեպիսկոպոս Պետրոսեանի օրհնութեան խօսքով:
31 Մայիսին ՙԱստուածաշունչի Գիտելիքի Վիքթորինա՚ ծրագրի համաբանակային եզրափակիչ փուլի բոլոր մասնակիցներուն համար պիտի կազմակերպուի ուխտագնացութիւն դէպի Հայաստանի տարբեր սրբավայրեր:
