Երկուշաբթի, 29 Մայիս 2023-ին, Ն.Ս.Օ.Տ.Տ. Արամ Վեհափառ Հայրապետը Ժընեւէն հեռաձայնային հաղորդակցութիւն մը ունեցաւ Երուսաղէմի հայոց Պատրիարք Ն.Ա.Տ. Նուրհան Արքեպիսկոպոս Մանուկեանի հետ£
Վեհափառ Հայրապետին եւ Պատրիարքին խորհրդակցութեանց առանցքը հանդիսացաւ Երուսաղէմի Պատրիարքութեան պատկանող ՙԿովերու Պարտէզ՚ին շուրջ վերջերս ծագած խնդիրը£ Հայրապետը Պատրիարքին ուշադրութեան յանձնեց այս հարցին վերաբերեալ մեր ժողովուրդին եւ շրջանին հետ առնչութիւն ունեցող երկիրներուն մօտ յառաջացած մտահոգութիւնը£ Պատրիարքը վստահեցուց Վեհափառ Հայրապետին, որ ՙԿովերու Պարտէզ՚ին շուրջ կայացած համաձայնութիւնը չեղեալ համարելու ուղղութեամբ արդէն իսկ սկսած է գործնական քայլերու դիմել£
