Նախկին նախարար Ժիհատ Ազհուրի թեկնածութիւնը առաջարկող կողմեր յայտարարեցին, թէ անոր թեկնածութիւնը պաշտօնապէս պիտի դրուի գալիք քառասունութ ժամերու ընթացքին: Իւրաքանչիւր կուսակցութիւն առանձին պիտի յայտարարէ իր որոշումը Ազհուրի թեկնածութեան համար:
Ընդդիմադիր կուսակցութիւնները յայտարարեցին, թէ Ազհուրի թեկնածութիւնը դրուելէ ետք խորհրդարանի նախագահ Նեպիհ Պըրրի պիտի ստիպուի ընտրութեան ժողով հրաւիրելու: Հակառակ պարագային կը փաստուի, որ ան ՙկրակով կը խաղայ՚:
Այս հարցին շուրջ հարցումի մը պատասխանելով, երեսփոխան Յակոբ Թերզեան յայտարարեց, թէ Հայկական երեսփոխանական համախմբումին որոշումը կրնայ տարբեր ըլլալ Ազգային Ազատ հոսանքի որոշումէն:
