ՆԱԹՕ-ի անդամ երկիրներու խաղաղապահ ուժերը, որոնք կը ծառայեն Քոսովոյի շրջանին մէջ, յայտարարեցին, որ իրենց ուժերէն 30 հոգի վիրաւորուեցան սերպ բողոքարարներու հետ բախումի ընթացքին: Սերպեր, որպէս բողոք, չմասնակցեցան քաղաքապետական ընտրութեան: Քոսովոյի ալպանացի ղեկավարութիւնը ընդունեց ընտրութեան արդիւնքը ինչպէս որ է եւ ալպանացիներ ընտրուեցան սերպ մեծամասնութիւն ունեցող քաղաքապետարաններու մէջ: Այս մէկը բարձրացուց բողոքի ալիք սերպ փոքրամասնութեան մօտ: Սերպիա իր կողմէ զօրաշարժ կատարեց դէպի Քոսովոյի սահմանը: Սերպիոյ նախագահը յայտարարեց, որ 52 սերպ քաղաքացիներ վիրաւորուած են, որոնցմէ երեքին վիճակը ծանր է:
