Երէկ Ռուսիոյ Դաշնութեան խորհրդարանըª Տուման միաձայնութեամբ վաւերացուց երկրին քաշուիլը Եւրոպայի դասական զէնքերու համաձայնագիրէն: Տումայի Արտաքին յարաբերութեան յանձանխումբի նախագահ եւ Լիպերալ Դեմոկրատ կուսակցութեան նախագահ Լէոնիտ Սլուցքի յայտարարեց, թէ այս որոշումը կը ծառայէ երկրի ապահովութեան պահպանումին:
Եւրոպայի դասական զէնքերու համաձայնագիրը ստորագրուած էր 1990 թուականին: Ան սկսաւ գործադրուիլ 1992 թուականին: Այս համաձայնագիրը չգործադրուեցաւ, որովհետեւ ՆԱԹՕ-ի երկիրներ չվաւերացուցին զայն ու դաշինքը շարունակեց իր յառաջխաղացքը դէպի արեւելք: 2007 թուականին Ռուսիոյ Դաշնութիւնը պահանջեց համաձայնագրին գործադրութիւնը, սակայն ՆԱԹՕ-ի անդամ երկիրներ մերժեցին առաջարկը: Ռուսիա այդ թուականին առկախեց իր կողմէ համաձայնագրի կէտերուն գործադրութիւնը:
