Լիբանանի Դրամատուներու սենտիքայի ընդհանուր քարտուղար Ֆատի Խալաֆ յայտարարեց, թէ Լիբանան փաստեց, որ կրնայ աշխատիլ նախագահական դատարկութեան ժամանակաշրջանին, առանց ազդուելու: Ան աւելցուց, որ 17 Հոկտեմբեր 2019-էն ի վեր լիբանանցի դրամատուներու յաճախորդները կորսնցուցած են իրենց ի պահ դրած դրամէն 51 միլիառ ԱՄՆ տոլար: Խալաֆ ամբաստանեց կառավարութիւնը իր վարած սխալ տնտեսական քաղաքականութեան համար, նկատի առնելով որ ճիշդ աշխատելու պարագային, իրենք կրնային յաճախորդներու ի պահ դրած գումարէն վեարարձնել 22 միլիառ ԱՄՆ տոլար: Կառավարութեան վարած սնունդի եւ վառելանիւթի օժանդակութեան քաղաքականութեան պատճառով այդ գումարը մսխուեցաւ եւ գնաց կարգ մը մենաշնորհեալ անձերու գրպանները:
