Չինաստանի Արտաքին գործերու նախարարութեան խօսնակը յայտարարեց, թէ 15 Մայիսէն սկսեալ եւրասիական հարցերու մասնագէտ չինացի պատուիրակ մը պիտի այցելէ Ուքրանիա, Լեհաստան, Ֆրանսա, Գերմանիա եւ Ռուսիա, ստանալու համար անոնց կարծիքները Ուքրանիոյ պատերազմը դադրեցնելու պայմաններուն մասին:
ՙՖայնենշըլ Թայմզ՚ օրաթերթը հաղորդեց, թէ Եւրոպական միութեան արտաքին քաղաքականութեան յանձնակատար Ժոզէփ Պորէլ յայտնած է իրենց պատրաստակամութիւնըª Չինաստանին հետ համագործակցելու, աւարտին հասցնելու համար Ուքրանիոյ պատերազմը: Պորէլ աւելցուցած է, որ Եւրոպական միութեան երկիրներու մեծամասնութեան մօտ կայ ուղղութիւն մըª աւելի ճկուն ձեւով վարուելու Չինաստանի հետ, հեռու ամերիկեան կարծր քաղաքականութենէն Չինաստանի հանդէպ:
