Չինաստանի պաշտպանութեան նախարար Լի Շանկ Ֆու հաստատեց իր երկրին պատրաստակամութիւնը` համագործակցելու ռուսական բանակին հետ: Ռուսիոյ Դաշնութիւն կատարած իր այցելութեան ընթացքին, ան վերահաստատեց, որ երկու երկիրներու բանակները ցոյց կու տան համայն աշխարհին, թէ ռազմավարական համագործակցութիւն կայ իրենց միջեւ:
Իր կողմէ, Ռուսիոյ պաշտպանութեան նախարար Սերկէյ Շոյկու յայտարարեց, թէ երկու երկիրներու բանակներուն միջեւ համագործակցութիւնը համաշխարհային լարուածութեան նուազումի գործօն է: Ան աւելցուց, որ Շանկհայի համագործակցութեան կազմակերպութեան անդամակցութեան ընդմէջէն, երկու երկիրներու բանակները կը կատարեն միացեալ ռազմափորձեր եւ կը հսկեն միջազգային ջուրերու վրայ:
