Սէուտական Արաբիոյ արտաքին գործերու նախարար Ֆայսալ Պըն Ֆարհան սկսաւ Սուրիա իր պաշտօնական այցելութիւնը: Ան ընդունուեցաւ Սուրիոյ Հանրապետութեան նախագահ Պաշշար Ասատի կողմէ: Նախագահը հաստատեց, որ Սուրիա-Սէուտական Արաբիա յարաբերութիւնը խոր արմատներ ունի պատմութեան մէջ: Ան երկու երկիրներու միջեւ դրական յարաբերութիւնը համարեց բնական: Այդ յարաբերութիւնը նաեւ արաբական շրջանակին պէտք է: Ասատ դրական արժեւորում կատարեց Սէուտական Արաբիոյ արտաքին քաղաքականութեան, որ իր դրական հետքը պիտի ձգէ շրջանի եւ արաբական երկիրներու միջեւ յարաբերութեան մէջ:
Իր կարգին, Պըն ֆարհան հաստատեց իր վստահութիւնը, որ սուրիացի ժողովուրդը պիտի կարենայ շրջանցել այս տագնապը եւ հասնի տնտեսական բարգաւաճումի: Ան վերահաստատեց իր երկրին նեցուկը Սուրիոյ, պահելու համար հողային ամբողջականութիւնը, ապահովութիւնը եւ գաղթականներու վերադարձը իրենց հայրենիքը:
