Ռուսիոյ Դաշնութեան պաշտպանութեան նախարար Սերկէյ Շոյկու յայտարարեց, թէ շատ քիչ քայլեր մնացած են Արեւմուտքի հետ հիւլէական բախումէն առաջ: Շոյկույի այս յայտարարութիւնը պատասխան էր այն տեղագիրին, ըստ որուն, Բրիտանիա յագեցած ուրանիումէ ռումբեր պիտի տրամադրէ Ուքրանիոյ: Ռուսիա անպայման պիտի հակադարձէ այս քայլին, ըստ պաշտպանութեան նախարարին:
Ռուսիոյ Դաշնութեան Արտաքին գործերու նախարարութիւնը դատապարտած էր Բրիտանիոյ որոշումըª Ուքրանիոյ տրամադրելու յագեցած ուրանիումէ ռումբեր: Այս ռումբերը օգտագործուեցան Սերպիոյ մէջ 1999 թուականին եւ պատճառեցին քաղցկեղ եւ մթնոլորտի ապականում: