Չինաստանի Հանրապետութեան նախագահ Շի Ճիփինկ Մոսկուայի մէջ յայտարարեց, թէ Չինաստան-Ռուսիա յարաբերութիւնը ցոյց կու տայ մնայուն զարգացումի դրական արժէքը: Ան աւելցուց, որ վստահութիւնը երկու երկիրներուն միջեւ կը խորանայ, միացեալ շահերը կը բազմապատկուին, ժողովուրդները կը մօտենան իրարու, համագործակցութիւնը առեւտուրի, տնտեսութեան, ներդրումի, ուժանիւթի եւ մշակոյթին մէջ կը զարգանայ:
Երէկ Չինաստանի նախագահը ժողով գումարած էր Ռուսիոյ Դաշնութեան վարչապետ Միխայիլ Միշուսթինի հետ: Նախագահը Մոսկուա հասած էր 20 Մարտին, իր վերընտրուելէն ետք առաջին այցելութեան ծիրին մէջ:
