Երեւանի քաղաքապետ Հրաչեայ Սարգսեանը ընդունած է Ասիական զարգացման դրամատան (ԱԶԴ) հայաստանեան գրասենեակի տնօրէնի տեղակալ Հիւփինկ Հուանկի գլխաւորած պատուիրակութիւնը: Կողմերը բարձր գնահատած են դրամատան եւ համայնքին միջեւ գործակցութիւնը` գոհունակութեամբ նշելով յագեցած օրակարգը:
Հիւփինկ Հուանկ նկատած է, որ ԱԶԴ-ն, ֆինանսական կառոյց ըլլալէ բացի, նաեւ կը նպաստէ ժամանակակից քաղաքային ենթակառուցուածքներու զարգացման, ՙկանաչ՚ տնտեսութեան եւ նորարար արհեստագիտութիւններիւ ներդրման միտուած ծրագիրներու իրագործման եւ կրնայ Երեւանին օգտակար ըլլալ նաեւ այդ բնագաւառներուն մէջ:
Շնորհակալութիւն յայտնելով գործակցութեան ընդլայնման պատրաստակամութեան համար` Հրաչեայ Սարգսեանը կարեւորած է ԱԶԴ-ի մասնակցութիւնը Երեւանի ենթակառուցուածքներու զարգացման գործին մէջ: Քաղաքապետը հիւրերուն ներկայացուցած է ոլորտային այն խնդիրները, որոնց լուծման համար համայնքը պատրաստ է քննարկելու նոր նախագիծեր:
Ամփոփելով համատեղ ծրագիրներու ընթացքը` կողմերը նախանշած են յառաջիկայ ընելիքները:
