Իրան եւ Սէուտական Արաբիա համաձայնեցան, չինական միջնորդութեամբ, երկու ամսուան ընթացքին վերականգնելու դիւանագիտական յարաբերութիւնը իրենց միջեւ: Եռակողմ ժողովը տեղի ունեցաւ Չինաստանի մէջ, 6-էն 10 Մարտ երկարող ժամանակաշրջանին: Սէուտական կողմէ մասնակցեցաւ ազգային ապահովութեան խորհրդական Մուսահէտ Պըն Մոհամմատ Ալ Այպան, իսկ Իրանի կողմէª Ազգային ապահովութեան խորհուրդի քարտուղար ծովակալ Ալի Շամխանի:
Համաձայնագիրը ընդգրկեց դիւանագիտական յարաբերութեան վերականգնում, իրարու ներքին հարցերուն չմիջամտելու խոստում եւ ապահովութեան համագործակցութեան համակարգում:
Միացեալ Նահանգներու նախագահ Ճօ Պայտըն յայտարարեց, թէ Իսրայէլի եւ իր դրացիներուն միջեւ լաւ յարաբերութիւնը լաւ է բոլորին համար:
