Դրամատուներու միութիւնը յայտարարեց, թէ 14 Մարտէն սկսեալ պիտի շարունակէ իր գործադուլը: Դրամատուները կը բողոքեն դատական իշխանութեան կարգ մը վճիռներէն, որոնք, ըստ իրենց, մէկ կողմէ անոնց կը ստիպեն կարգ մը յաճախորդներուն կանխիկ օտար դրամանիշ վճարել, մինչ ուրիշները կրնան դրամ քաշել դրամատունէն, Կեդրոնական դրամատան վրայ քաշուած չէքերով:
Շատ մը մասնագէտներ կը զգուշացնեն դրամատուներու սնանկացում յայտարարելէն: Անոնք կը հաստատեն, որ լիբանանցիներ արդէն հասած են վիհին յատակը եւ երթալիք տեղ չունին այլեւս: Ամէնօրեայ անձնասպանութեան յայտարարութիւնները անոր ամենամեծ ապացոյցն են: Ըստ մասնագէտներուն, դրամատուներու սնանկացումը պիտի ըլլայ այն կայծը, որ պիտի բռնկեցնէ վառօդի տակառը եւ ժողովուրդը դարձեալ փողոց պիտի իջեցնէ:
