Հայաստանի Հանրապետութեան Ազգային անվտանգութեան ծառայութիւնը գերիներու, պատանդներու եւ անհետ կորսուած (գտնուելու վայրը անյայտ) անձերու հարցերով զբաղող միջգերատեսչական յանձնաժողովի աշխատանքներուն վերաբերեալ տեղեկատուութիւն տարածած է:
Հաղորդագրութեան մէջ կը նշուի, որ գերիներու, պատանդներուի եւ անհետ կորսուած (գտնուելու վայրը անյայտ) անձերու հարցերով զբաղող միջգերատեսչական յանձնաժողովը ձեւաւորուած է ՀՀ վարչապետի` 2022 թուականի Հոկտեմբեր 20-ի N 1236-Ա որոշմամբ:
Յանձնաժողովին կից գործող աշխատանքային խումբը, բացի ծնողներուն հետ հանդիպումներէն, հանդիպումներ ունեցած է նաեւ Հայաստանի մէջ Կարմիր խաչի միջազգային կոմիտէի պատուիրակութեան ներկայացուցիչներուն հետ:
Յանձնաժողովին 2022 թուականի Դեկտեմբեր 19-էն մինչ օրս ներկայացուած է 101 գրաւոր դիմում` անհետ կորսուելու հանգամանքներուն վերաբերեալ տեղեկութիւններ տրամադրելու, իրաւական, առողջապահական, ընկերային բնոյթի հարցադրումներով: Բացի անկէ, եղած են նաեւ բանաւոր դիմումներ: Դիմումներու քննարկման բերումով անոնց մէկ մասին տրուած են անհրաժեշտ լուծումներ, ներկայացուած են պահանջուող տեղեկութիւնները, իսկ միւս մասը ուղարկուած է իրաւասու գերատեսչութիւններուի քննարկման` տեղեկութիւններ, առաջարկներ ներկայացնելու համար:
Գերիներու, պատանդներու եւ անհետ կորսուած անձերու հետ կապուած յարաբերութիւններու իրաւական կարգաւորման անհարժեշտութիւնը կարեւորելով` ՀՀ Արդարադատութեան նախարարութեան Յանձնաժողովի նախագահին կողմէ յանձնարարուած է մշակել գերիներու, պատանդներու եւ անհետ կորսուած (գտնուելու վայրը անյայտ) անձերու վերաբերեալ օրէնքի նախագիծի հայեցակարգ, իսկ ՀՀ Աշխատանքի եւ ընկերային հարցերուի նախարարութեան` իրականացնել գերիներու, պատանդներու եւ անհետ կորսուած անձերու ընտանիքներու կարիքներու գնահատում:
Ազգային անվտանգութեան ծառայութեան տնօրէն, զօրավար Ա. Աբազեանը կը շարունակէ պարբերաբար հանդիպումներ ունենալ անհետ կորսուած անձեերու ծնողներու եւ հարազատներու հետ:
44-օրեայ պատերազմին եւ յետպատերազմական իրադարձութիւններուն հետեւանքով Հայաստանի Հանրապետութիւն վերադարձուած են 422 զոհուած հայ զինուորներու դիեր ՙդիակ-մասունք՚, որոնցմէ 225-ը զոհուած են 2022 թուականի սեպտեմբերեան դէպքերու ընթացքին: 2022 թուականի սեպտեմբերեան դէպքերուն հետեւանքով զոհուած 2 հայ զինուորներու դիերու դուրսբերման աշխատանքները կը շարունակուին:
Բացի անկէ, 2022 թուականի Սեպտեմբեր 13-14-ին տեղի ունեցած մարտական գործողութիւններուն հետեւանքով Ատրպէյճանի վերահսկողութեան տակ անցած տարածքէն` հակառակորդի խոր թիկունքէն, դուրս բերուած են Ջերմուկի զօրամասի 1 սպայ եւ 1 ժամկէտային զինուոր:
Մինչ օրս գերութենէն վերադարձուած է 173 զինուոր եւ քաղաքացիական անձ:
