Ելեւմուտքի նախարարութիւնը յայտարարեց, որ 2022-ի պետական ամավարկի վաւերացումէն ետք, եւ նկատի առնելով երկրի ելեւմտական վիճակը կարգաւորելու անհրաժեշտութիւնը, որոշուած է 15 հազար լիրայի բարձրացնել ամերիկեան տոլարին պաշտօնական սակագինը: Ըստ նախարարութեան, նշեալ որոշումը գործադրութեան պիտի դրուի Նոյեմբեր 1-էն սկսեալ, վերջ տալով 1507-ի ժամանակաշրջանին: Նախարարութիւնը շեշտեց, որ երկրի ելեւմտական ու տնտեսական առնչակից մարմինները աշխատանք պիտի տանին կարգաւորելու կենցաղային հաւանական խնդիրները, որոնք կրնան յայտնուիլ սակագինի փոփոխութեան պատճառով:
