Կառավարութեան ընդհանուր քարտուղար դատախազ Մահմուտ Մաքիյէ սահմանադրական ուսումնասիրութեամբ մը հաստատեց, որ այժմ գործող պաշտօնակատար կառավարութիւնը իրաւունք ունի ստանձնելու Հանրապետութեան նախագահի պարտականութիւնները, եթէ խորհրդարանը կարողութիւն չունենայ նոր նախագահ մը ընտրել մինչեւ նախագահ Միշէլ Աունի պաշտօնավարութեան աւարտը` 31 Հոկտեմբերին: Ըստ Մաքիէի, լիբանանեան եւ ֆրանսական վերլուծութիւնները եզրակացուցած են, որ գործող կառավարութիւնը կրնայ ժամանակաւորապէս կատարել նաեւ նախագահին առաքելութիւնը, եթէ թափուր մնայ Պաապտայի պալատը:
