Ռուսիոյ Դաշնութեան արտաքին գործերու նախարար Սերկէյ Լաւրով ՄԱԿ-ի Ապահովութեան խորհուրդին առջեւ խօսք առնելով յայտարարեց, թէ Տոնպասի մէջ Ուքրանիոյ ծայրայեղականներուն կատարած ոճիրը նկատի չ՛առնուիր: Ըստ Լաւրովի, Ուքրանիա կը յայտարարէ, թէ կը յարգէ Մինսքի համաձայնագիրը, մինչ իրականութեան մէջ կը կործանէ զայն, Ֆրանսայի, Միացեալ Նահանգներու եւ Գերմանիոյ թոյլտուութեամբ: Ուքրանիա կ’արգիլէ ռուսերէն սորվեցնել եւ քաղաքացիները կը գործածէ որպէս մարդկային վահաններ: Ըստ Լաւրովի, Ուքրանիա վերածուած է միապետական, ծայրայեղական պետութեան եւ Արեւմուտքի տուած օժանդակութիւնը կ’երկարէ պատերազմին ընթացքը, պատճառելով աւեր եւ մահ: Ուքրանիոյ մէջ կարգ մը նահանգներու կազմակերպելիք հանրաքուէն ուղղակի պատասխան են նախագահ Զելենսքիի անցեալ տարուան կատարած յորդորին, որ ան որ ինքզինք ռուս կը զգայ, հեռանայ այս նահանգներէն:
