ՀՀ արտակարգ իրավիճակներու նախարար Արմէն Փամբուխչեան այցելած է Վայոց Ձորի մարզ: Գերատեսչութեան ղեկավարը այցելած է ՓԾ ՄՓՎ Ջերմուկի հրշէջ-փրկարարական ջոկատ, որուն շէնքը Հայաստանի Հանրապետութեան նկատմամբ Ատրպէյճանի սանձազերծած յարձակման եւ ծաւալած մարտական գործողութիւններուն հետեւանքով վնասուած էր: Մասնաւորապէս, կոտրուած էին շինութեան պատուհաններուն ապակիները եւ տուժած են հարեւանութեամբ կայանուած ինքնաշարժները: Նախարար Փամբուխչեանը ծանօթացած է իրավիճակին, զրուցած է անձնակազմին հետ, տուած է համապատասխան յանձնարարականներ:
Գերատեսչութեան ղեկավարը այցելած է նաեւ ԱԻՆ փրկարար ծառայութեան բժշկական ապահովման վարչութեան եւ մարզային վարչութեան հրշէջ-փրկարարական ջոկատի անձնակազմի անդամներէն ձեւաւորուած` մարտական հերթապահութիւն իրականացնող, խումբերու տեղակայման վայրեր: Ան զրուցած է անձնակազմին հետ, հետաքրքրուած է ծառայութեան պայմաններով, մաղթած է անփորձանք ծառայութիւն:
Նոյն օրը Ջերմուկ քաղաքին մէջ արտակարգ իրավիճակներու նախարար Արմէն Փամբուխչեան հանդիպում ունեցած է ՀՀ տարածքային կառավարման եւ ենթակառուցուածքներու նախարար Գնել Սանոսեանի եւ ՀՀ Ազգային ժողովի պատգամաւոր Տրդատ Սարգսեանի հետ:
