ԱՄՆ-ի Արտաքին գործերու նախարարութիւնը յայտարարեց, որ Իրանի հետ հիւլէական համաձայնագրին շուրջ տեղի ունեցող բանակցութիւնները մտած են փակուղի: Իրանի տուած պատախանը` ԱՄՆ-ի առաջարկներուն, անընդունելի է:
Ըստ նոյն աղբիւրին, նախագահ Ճօ Պայտըն պիտի շարունակէ բանակցութեան հոլովոյթը այնքան ատեն որ տրամաբանական է: Բոլոր կարելիութիւնները կը սերտուին, համաձայնութեան հասնին թէ ոչ: 14 Սեպտեմբերին ալ Եւրոպական Միութեան Արտաքին յարաբերութեան յանձնակատար Ժոզէփ Պորէլ յայտարարած էր, որ Իրանի հետ բանակցութիւնը հասած էր փակուղի:
