ՀՀ Գլխաւոր դատախազութեան մէջ, 15 Սեպտեմբերին, տեղի ունեցած է նիստ` ՀՀ գլխաւոր դատախազի պաշտօնին սահմանադրական ժամկէտը աւարտող Արթուր Դաւթեանի եւ գլխաւոր դատախազի պաշտօնը ստանձնած Աննա Վարդապետեանի ղեկավարութեամբ:
Ներկաները մէկ վայրկեան լռութեամբ յարգած են 13 Սեպտեմբերէն Ատրպէյճանի Հանրապետութեան կողմէ Հայաստանի Հանրապետութեան ինքնիշխան տարածքին եւ ազգաբնակչութեան նկատմամբ սանձազերծուած յանցաւոր ռազմական ոտնձգութեան դիմակայելու ճամբով զոհուած զինուորներուն յիշատակը:
ՙԱրթուր Դաւթեանը պաշտօնամուտի առիթով շնորհաւորած է Աննա Վարդապետեանը` վստահութիւն յայտնելով, որ անոր գլխաւորութեամբ Հայաստանի մէջ իրաւական պետութեան կայացման ընթացքը կ՛ըլլայ անշեղ եւ արդիւնաւէտ: Արթուր Դաւթեանը շնորհակալութիւն յայտնած է ՀՀ Դատախազութեան անդամներուն, դատախազութեան ստորաբաժանումներու ղեկավարներուն եւ դատախազութեան բոլոր աշխատակիցներուն` անցած վեց տարուան ընթացքում համատեղ գործունէութեան, հանրապետութեան համար բարդ ժամանակաշրջանին ներքին անվտանգային եւ իրաւական կայունութեան ապահովման հարցով ցուցաբերած հաստատակամութեան համար եւ մաղթելածª հետագայ յաջողութիւններ՚, կ՛ըսուի հաղորդագրութեան մէջ:
ՀՀ գլխաւոր դատախազի պաշտօնը ստանձնած Աննա Վարդապետեանը շնորհակալութիւն յայտնած է Արթուր Դաւթեանին նախընթաց տարիներուն համակարգին մէջ իր աշխատանքային գործունէութեան, պետութեան մատուցած ծառայութեան համար եւ մաղթած նորանոր յաջողութիւններ:
Կը նշուի, որ գլխաւոր դատախազ Վարդապետեաննը անցած է իր պաշտօնէական պարտականութիւններու կատարման:
