ՀՀ պաշտպանութեան նախարար Սուրէն Պապիկեան հեռախօսազրոյց ունեցած է ԱՄՆ պաշտպանութեան քարտուղարի քաղաքականութեան հարցերով տեղակալ Քոլին Քահլի հետ:
Սուրէն Պապիկեան Քոլին Քահլին ներկայացուցած է ատրպէյճանական լայնածաւալ յարձակման հետեւանքով ստեղծուած իրադրութիւնը` անոր հանգուցալուծման հարցով ընդգծելով միջազգային հանրութեան հասցէական գնահատականներուն անհրաժեշտութիւնը: Պաշտպանութեան նախարարը շնորհակալութիւն յայտնած է Քոլին Քահլին` իրավիճակին արագ արձագանգելու համար:
Քոլին Քահլը, իր հերթին, կարեւորելած է զինադադարի պահպանումը, շեշտած է բանակցային սեղանին վերադառնալու եւ առկայ բոլոր տարաձայնութիւնները բացառապէս դիւանագիտական գործիքակազմով լուծելու անհրաժեշտութիւնը: Քոլին Քահլը յայտնած է Միացեալ Նահանգներու դիրքորոշումը առ այն, որ ՀՀ տարածքային ամբողջականութիւնը եւ ինքնիշխանութիւնը սակարկման առարկայ պէտք չէ ըլլան:
