Արցախի Հանրապետութեան Արտաքին գործերու նախարարութիւնը խստիւ կը դատապարտէ Սեպտեմբեր 13-ին Հայաստանի Հանրապետութեան նկատմամբ Ատրպէյճանի սանձազերծած յարձակողական գործողութիւնները, Հայաստանի ինքնիշխան տարածքի ռմբակոծութիւնները եւ ուժի կիրառումը:
Արցախի ԱԳՆ յայտարարութեան մէջ, մասնաւորապէս նշուած է, որ այս գործողութիւնները կը հանդիսանան հայատեացութեան եւ ցեղասպան քաղաքականութեան վառ դրսեւորում, միջազգային իրաւունքի եւ կանոններու կոպտագոյն խախտում:
ՙԿոչ կ՛ընենք միջազգային հանրութեան խստօրէն դատապարտելու Ատրպէյճանի յարձակողական գործողութիւնները` զերծ մնալով ամորֆ եւ անհասցէ կոչերէն ու գնահատականներէն, կիրառելու համապատասխան քայլեր նախայարձակին նկատմամբ:
Կը ցաւակցինք բոլոր զոհերու հարազատներուն, վիրաւորներուն կը մաղթենք շուտափոյթ ապաքինում՚, ըսուած է յայտարարութեան մէջ:
