ՓԱՇԻՆԵԱՆ
Ատրպէյճանը, այլակերպելով 2020 թուականի Նոյեմբեր 9-ի եռկակողմ յայտարարութիւնը, կը խօսի ՀՀ տարածքով միջանցք ունենալու մասին: Ազգային ժողովին մէջ այս մասին յայտարարեց ՀՀ վարչապետ Նիկոլ Փաշինեան:
ՙՄեր դիրքորոշումը եղած է եւ կը շարունակէ մնալ հետեւեալը, որ Հայաստանի Հանրապետութեան տարածքով չենք պատրաստուիր ոեւէ մէկուն միջանցք տրամադրելու, բայց մենք կ՛ընդունինք եւ նոյնիսկ շահագրգռուած ենք Հայաստանի Հանրապետութեան տարածքով ճանապարհներու բացմամբ եւ ապաշրջափակմամբ այն տրամաբանութեամբ, որ այդ ճանապարհէն կրնան օգտուիլ տարածաշրջանի բոլոր երկիրները, այդ շարքին` Հայաստանը եւ Ատրպէյճանը: Եթէ կը յիշէք, Նոյեմբեր 9-ի եռակողմ յայտարարութեան մէջ յստակ նշուած է, 9-րդ կէտի առաջին նախադասութիւնը ապաշրջափակման մասին է, տարածաշրջանի տնտեսական եւ ճանապարհային հաղորդակցութիւններու, ուղիներու եւ կապերու ապաշրջափակման, բացման եւ վերաբացման մասին է: Գիտէք, որ թեման պարզաբանուած է 2021 թուականի Յունուար 11-ի եռակողմ յայտարարարութեամբ եւ արձանագրուած է, թէ ինչ գործողութիւններ պէտք է իրականացնել 2020 Նոյեմբեր 9-ի եռակողմ յայտարարութեան 9-րդ կէտը կեանքի կոչելու համար՚, ըսաւ Փաշինեան:
