Եւրոպական խորհրդարանի պատգամաւոր, ՀՀ-ԵՄ բարեկամական խումբի ղեկավար Լուքաս Ֆուրլաս դատապարտած է Հայաստանի դէմ Ատրպէյճանի սանձազերծած յարձակումը: Այս մասին ան գրառում կատարած է Թուիթըրի իր էջով:
ՙԵւրոխորհրդարանին մէջ Հայաստանի հետ բարեկամական խումբը հնարաւոր ամենախիստ ձեւով կը դատապարտէ վաղ առաւօտեան Հայաստանի դէմ Ատրպէյճանի իրականացուցած յարձակումը: Կոչ կ՛ընենք Եւրոմիութեան` ի դէմս ԵՄ արտաքին գործերու եւ անվտանգութեան քաղաքականութեան հարցերով Բարձր ներկայացուցիչ Ժոզէփ Պորէլի, հնարաւորինս շուտ միջամտել եւ կոչ կ՛ընենք Ատրպէյճանին դադրեցնելու այս յարձակումները՚, նշած է Ֆուրլաս:
