Լիբանանի նախկին նախարարներէն Քամիլ Ապու Սլէյման յայտարարեց, որ ժամանակն է առնելու կարեւոր քայլ` տնտեսութիւնը ներկայ վիճակէն դուրս հանելու համար: Համաձայնիլ Արժոյթի միջազգային հիմնադրամին հետ կը համարուի ճիշդ որոշում, որովհետեւ այլ տարբերակ չ’երեւիր: Հիմնադրամին դրած պայմանները գործադրելու ծրագիր մը պէտք է մշակուի: Նախարարը առաջարկեց երկրին քաղաքական հոլովոյթը բաժնել տնտեսականէն եւ աշխատիլ դրաուած քարտէսի մը հիման վրայ: Պէտք է նաեւ պաշտպանել դրամատուներուն գոյքը եւ ի պահ դրուած գումարները, մարդոց վստահութիւնը շահելու համար:
Ապու Սլէյման առաջարկեց գնել եուրոպոնտ պարտամուրհակները նախկին 10 միլիառ տոլարի փոխարէն վճարելով 1 միլիառ տոլար: Հիմա ժամանակն է, որովհետեւ երկրի տնտեսական տագնապին պատճառով անոր գինը կը գտնուի իր ամենացած մակարդակին վրայ:
