Ռուսիոյ Դաշնութեան Ապահովութեան խորհուրդի փոխնախագահ Տմիթրի Մետվետեւ պատասխանեց Գերմանիոյ վարչապետ Օլաֆ Շոլցի այն հարցումին, թէ ինչո՞ւ սկսած են ի յայտ գալ ռուսական կազի մատակարարումի դժուարութիւններ, երբ իր երկիրը կը վարէ հակառուս քաղաքականութիւն:
Մետվետեւ յայտարարեց, որ Գերմանիա Ռուսիոյ ոչ-բարեկամ պետութիւն է, պատժամիջոցներ սահմանեց Ռուսիոյ եւ անոր քաղաքացիներուն վրայ, Ուքրանիան կը զինէ ամենաարդիական զէնքերով մեր ուժերուն դէմ գործածուելու համար: Մէկ խօսքով ան կը վարէ անուղղակի պատերազմ Ռուսիոյ դէմ եւ կը զարմանայ թէ ինչու կազի մատակարարումին մէջ ընդմիջում կայ:
Գերմանիոյ վարչապետը յայտարարած էր, որ Ռուսիա յետայսու չի համարուիր վստահելի աղբիւր կազամատակարարումի, որովհետեւ չի գործադրեր իր ստորագրած համաձայնագիրները: Ռուսիա պատասխանած էր, թէ այս հարցին պատճառը Եւրոպական միութեան վարած ուժանիւթի քաղաքականութիւնն է եւ այն պատժամիջոցները որ կը կիրարկէ Ռուսիոյ վրայ:
