Պէյրութի նաւահանգիստի պայթումին զոհերու ընտանիքները պահանջագիր մը ներկայացուցին Լիբանանի խորհրդարանին, խմբակցութիւններէն պահանջելով վաւերացնել օրէնք մը, որ դատական իշխանութեան անկախութիւնը կ’երաշխաւորէ:
Անոնք յայտարարեցին, որ պայթումէն 25 ամիս ետք ձանձրացած են խոստումներէն եւ քաղաքական խաղերէն, որուն մէջ մտցուցին այս զուտ մարդկային հարցը: Խորհրդարանի կարգ մը անդամներու նպատակն է ամէն գինով խուսափիլ պատասխանատուութենէն:
