Ռուսական ՙԿազփրոմ՚ բնական կազ արտածող ընկերութիւնը յայտարարեց, թէ դադրեցուց կազի մատակարարումը ՙՆորտ Սթրիմ 1՚ խողովակին միջոցով ցնոր տնօրինում, մղիչի մը խանգարումին պատճառով: Նորոգող ՙՍիմընզ՚ ընկերութիւնը տեղեակ պահուեցաւ:
Ռուսիոյ Դաշնութեան նախագահութիւնը սպառնացած էր քարիւղ չծախել որեւէ երկրի, որ կը մասնակցի ռուսական քարիւղի գինի սահմանափակումին: Այս սահմանափակումը քաոս պիտի ստեղծէ քարիւղի միջազգային շուկային մէջ: Ռուսիա իր քարիւղը պիտի ծախէ այս սահմանափակումէն դուրս եղող պետութիւններուն, որոնք պատրաստ են միջազգային շուկայի գինը վճարելու:
Ճարտարարուեստի եօթը զարգացած երկիրներ յայտարարած էին, թէ պիտի փորձեն սահմանափակել ռուսական քարիւղին գինը:
Ըստ ամերիկեան ՙՈւոլ Սթրիթ Ճուրնըլ՚ օրաթերթին, Ռուսիոյ կողմէ բնական կազի մատակարարումի դադրեցումը պիտի ստիպէ եւրոպացիները փնտռելու ուժանիւթի այլ աղբիւրներ եւ անկախանալու ռուսական տնտեսական ազդեցութենէն: Անշուշտ մատակարարումի դադրեցումը վնաս պիտի պատճառէ եւրոպական ընկերութիւններուն:
