ՙՌոյթըրզ՚ լրատուական գործակալութիւնը հրապարակեց լուր մը, ըստ որուն, Իսրայէլ վերջին շաբաթներուն սաստկացուցած է սուրիական օդակայաններու մէջ պահեստանոցներու ռմբակոծումը, արգելք հանդիսանալու համար Իրանի դաշնակիցներու ուղարկուած զէնքի մատակարարումին: Իսրայէլ Սուրիան կը նկատէ Իրանի եւ անոր դաշնակիցներու ազդեցութեան գօտի եւ ըստ այնմ կը հարուածէ անոնց ենթակառոյցը, փորձելով արգելք հանդիսանալ անոնց հզօրացումին:
Իրան կ’օգտագործէ օդային միջոցը զէնք մատակարարելու համար իր դաշնակիցներուն, ցամաքային փոխադրութեան խանգարումէն ետք:
